کوردستان نێت ساڵی ٢٠١٤

This email address is being protected from spambots. You need JavaScript enabled to view it.

به‌هرۆز محه‌مه‌د ساڵح پارێزگاری سلێمانی رایده‌گه‌یه‌نێت، ده‌یانه‌وێت ڤیستیڤاڵی ئه‌مساڵی نه‌ورۆزی سلێمانی په‌ره‌پێ بده‌ن و جیاواز بێت له‌ ساڵانی رابردوو، بۆ ئه‌و مه‌به‌سته‌ش له‌گه‌ڵ لایه‌نه‌ په‌یوه‌ندیداره‌كان كۆبووه‌

له‌ كۆبوونه‌وه‌كه‌دا پارێزگار رایگه‌یاند بۆ سلێمانی وه‌ك پایته‌ختی رۆشنبیری كوردستان ده‌بێت گرنگی زیاتر به‌ ڤیستیڤاڵ و چالاكییه‌ كلتورییه‌كان بدرێت له‌ نێویشیاندا ده‌بێت گرنگی تایبه‌تی به‌ ڤیستیڤاڵی نه‌ورۆز بدرێت به‌و پێیه‌ی ڤیستیڤاڵی نه‌ورۆز له‌ سلێمانی تایبه‌تمه‌ندی خۆی هه‌یه‌و ده‌بێت ڤیستیڤاڵه‌كه‌ بگه‌یه‌نینه‌ ئاستێكی باشتر و كه‌موكوڕییه‌كان چاره‌سه‌ر بكه‌ین.

 پارێزگار داوای له‌ لایه‌نه‌ په‌یوه‌ندیداره‌كان و لیژه‌ی ئاماده‌كاری ڤیستیڤاڵی نه‌ورۆز كرد ده‌ست بكه‌ن به‌ ئاماده‌كاری و ته‌ئكیدی كرده‌وه‌ ده‌بێت ڤیستیڤاڵی ئه‌مساڵ گه‌شه‌كردنی زیاتر به‌خۆیه‌وه‌ ببینێت و جیاواز بێت له‌ ساڵانی رابردوو.

هه‌ر وه‌ك پارێزگار داوای كرد را و سه‌رنجی شاره‌زایان و هاووڵاتیان وه‌ربگیرێت بۆ ده‌وڵه‌مه‌ند كردنی ڤیستیڤاڵه‌كه‌.

جێگه‌ی باسه‌ زۆربه‌ی كاره‌كانی ڤیستیڤاڵی ئه‌مساڵی نه‌ورۆزی سلێمانی له‌ لایه‌ن وه‌به‌رهێنه‌رانه‌وه‌ سپۆنسه‌ری ده‌كرێت، هاووڵاتیانیش ده‌توانن به‌ رێگه‌ی ئیمه‌یڵی (This email address is being protected from spambots. You need JavaScript enabled to view it.) هه‌ر پێشنیار و سه‌رنجێكیان هه‌یه‌ ئاراسته‌ی لیژنه‌ی سه‌رپه‌ره‌شتیاری ڤیستیڤاڵه‌كه‌ی بكه‌ن.