بههرۆز محهمهد ساڵح، پارێزگاری سلێمانی، له بینای پارێزگای سلێمانی پێشوازیكرد له فاروق قایماغچی، باڵیۆزی تۆركیا له عیراق.
له دیدارێكدا كه كونسوڵی گشتی توركیا له ههرێمی كوردستان تیدا ئامادهبوو، پارێزگاری سلێمانی و باڵیۆزی توركیا، گفتوگۆیان كرد لهبارهی دهرفهتهكانی كارو وهبهرهێنان له پارێزگای سلێمانی و گهشهپێدانی پهیوهندییه كلتوری و ئابورییهكانی ههر دوو لا.
له دیدارهكهدا پارێزگاری سلێمانی بهبۆنهی وهرگرتنی پۆستهكهیهوه پیرۆزبایی له باڵیۆزی توركیا كردو تهئكیدی له كاركردن و ههوڵدانی دوو لایهنه كردهوه بۆ گهشهپێدانی پهیوهندییهكانی نێوان ههردوو لا.
پارێزگار له بهشێكی تری قسهكانیدا دهفهتهكانی كارو سهرمایهگوزاری و وهبهرهێنانی سلێمانی بۆ باڵیۆزی توركیا روونكردهوه داوای كرد زیاتر هانی كۆمپانیاكانیان بدهن بۆ وهبهرهێنان له كهرتهكانی گهشتیاری و كشتوكاڵ و پیشهسازی له پارێزگای سلێمانی.
له بهرامبهردا باڵیۆزی توركیا خۆشحاڵی خۆی به سهردانی بۆ شاری سلێمانی دهربڕی و سوپاسی پاڵپشتی و هاوكارییهكانی پارێزگاری سلێمانی كرد.